السعاده
ياتري ايه هي السعاده !!!!!!!!!!!
بنعيش عمرنا كله ندور علي السعاده وممكن متلاقيهاش وممكن تلاقيها وممكن تحلم بيها وده في حد ذاته ممكن يكون سعاده.
لو لاحظنا اللي احنا بنعمله في حياتنا كلهااااااااااااااااااا انما هي محاولات للبحث عن السعاده
انا عن نفسي السعاده هي الحلم متعه الحلم متعه انك يكون عندك الامل في بكره قادر تحلم بشئ افضل لبكره.
احلم .................اتمني .......................حاول ........................جرب ................................بلاش نخاف
انا عارفه ان حدود احلامنا وطموحتنا كل مدي ما بتضيق اكتر واكتر
لكن بلاش نضيقها اضعف الايمان نحافظ عليها كل واحد لو فكر هو ممكن يعمل ايه ممكن يعمل كتير "والله ممكن نعمل كتير "ومن غير ما نغير نظام ولا نعمل انقلاب ولا حاجه نبدأ بنفسنا نحب نفسنا ونحاول نسعدها لا تروح تحرر القدس ولا تطلع الامريكان من العراق ولاتحل مشكله الشرق الاوسط بس كل واحد يحاول يسعد نفسه بالطريقه الصح وبعدين بعد كده ممكن نحل اي حاجه تانيه ان شاء الله
انا بقيت ملاحظه حاجه في غايه الغرابه اننا مبقناش بنحب نفسنا
.اللي يتجه للادمان
.واللي مقضيها توهان
.واللي عايز يهج
.واللي بطل حتي يفكر
امتي اخر مره صحيت من النوم وقلت "الله الحياه جميله "
"من غير شتيمه" انا عارفه انه بقي صعب اننا نقول الكلمه دي بس ليه ما نحاوليش نسعد نفسنااصل لو دققنا شويه هنلاقي اننا لو قلبناها نكد مفيش حاجه هتتغير يبقي ننبسط ونعمل اللي علينا كل واحد علي حسب ظروفه ونحاول ندور علي الرضا في نفوسنا .
يقال:
ايها المشتكي وما بك داء ........................كن جميلا تري الوجود جميلا
وكمان:
من يظن الحياه عبأ ثقيلا ........................هو عبء علي الحياه ثقيلا
ودي كمان :
تمتع بالصبح ما دمت فيه ........................... لاتخف ان يزول حتي يزولا
